مجله بنت الشاطئ للشعر والادب كتب الشاعر جمال حلمي قصيدة الحرافشه الحرافيش
الحرافشة الحرافيش
............................
حرافشة من يومكم والله
حرافشة لاجناح ولاريش
أيامكم على طول كدا وحله
ولا لكم ف الشيش والبيش
عايشين على طول على القدرة
وسنين لا بصله ولا غموس
ملحمة الحرافيش دي رواية
وعنوانها أبن حارة محفوظ
كان عنده حق ياحرفشها
ويكتبها لتدوم وتعيش
وأهي عيشة ياسادة ياحرفشة
مادامت الدنيا متاريس
أيام وبتلعب بينا
وبقينا كلنا حرافيش
لا طلع حرفوش متكبر
ولا طلع حرفوش منفوخ
أيام الجبرتي // ياحافظ
كانت حقبه ف زمن تهويش
عاش يحكي ويغني ياحافظ
ولا واحد أكله بطيخ ...
الحرافشة يومهم بيطول
لا له نهاية ...
وقالتهم من الدوخ ..
والفاس عرقانه شقيانة
نفسها ف حته من البوش
دا أمراض الدنيا سكناها
والغلب مهمشها تهميش
ياسلام عليكم ياحرفشة
ناس طهرة والوجه باشوش
لا فيه غل أتغلل جواكم
معدنكم أصلي لامغشوش
تاركتوا الملك للمالك
ولابتجروا ف الدنيا وحوش
فهمين الدنيا ياحرفشة
وسبتوها لكل تعيس
حرافيش من يومكم والله
حرافيش والوجة باشوش ....
...............................................
بقلمى // جمال حلمى
...............................................
تعليقات
إرسال تعليق