مجله بنت الشاطئ للشعر والادب كتب الشاعر وليد عبد العزيز قصيدة الاسم.موظف
الإسم موظف بس مفيش
ولا عندي جيب ولا سيالة...
وحلمي ف بلدي أَكُل عيش
و عايش فيها بكفالة......
لا أنا طالب رشوة ولا بقشيش
ولا قاعد مستني حِوالة....
ولا طالب أغير حصير أو خيش
والحاجة اللي طالِبها عدالة.....
ياما دوقت عشانك مُر الجيش
لماقولتي بناخد رِجَالة......
واستحملت رخامة صول وشاويش
واديتك حقك ببسالة.....
جه دورك بقي خليني أعيش
ولا انتِ غاويلي إزالة....
ياللي انتي ع الراس متشالة...
...............
#قصيدةجديدة
#شاعرالغلابة_وليدعبدالعزيز
تعليقات
إرسال تعليق