مكلة بنت الشاطئ للشعر والادب كتب الشاعر عماد الدين قصيدة.البقاء لله
قصيدة / البقاء لله
للشاعر / عماد الدين محمد
مع خالص العزاء لشهداء قطار محطة مصر
البقاء لله
وكل يوم
سعيكم مشكور
وأنا من همي
قلب مجروح
ما هو ذنبي
وكل مرة أتوب
وأرجع من تاني للذنوب
لازم كل يوم أموت
والسوس ياكل في عودي
والحق والضمير
والذمة والعهود
وفي النهاية
دا وعد ومكتوب
وثوب الحداد
دائما مفرود
وظهري أنحني
وما عدت أقدر أشيل
والحمل أصبح ثقيل
و أنا لسه في عز شبابي
والشيب كساني من همي
ولون النيل من لون دمي
ومن الأول نعود
حداد ووعود
وبعد يوم ولا يومين
أو أسبوع
ننسي ونفرح
نكتة ولا فيلم ونضحك
ولا مباراة كوره
ونقول جول
ولا غنوه علي طبلة
ونرقص
آه يا بلد
كل يوم ندفن ولد
آه يا بلد
حزينة ولما بتفرحي
بتنسي همي
وأنتي كل همي
آه يا بلد
البقاء لله .
الشاعر
عماد الدين محمد
تعليقات
إرسال تعليق