مجلة بنت الشاطئ للشعر والادب كتبت الشاعرة هناء الغمري قصيدة في محطة مصر
★ في محطة مصر★
وفي محطة مصر
قلبي إنعصر عصر💔
دا اللي حصل كارثة العصر
ناس بالحيا بتنصهر صَهر
لا باقي منهم وِش ولا ضَهر
طفلة بتبكي وجِواها مليان قهر😭
على أهلها وهي بِعُمْر الزهر
بريئة وقلبها أطهر من الطُهر
شافت مناظر الحريق عَلَنِي وجَهر
جُثث متفحمه ما يحييها النهر
شباب رايحه تتعلم وكلها أمل
رجال ونسوة رايحين العمل
شايلين هموم ما تنحمل
صابرين على المُر زي الجمل
وقفوا في المحطة وزحمه لا تُحتَمَل
لاجل ما يركبوا القطر لكن الرحلة لم تُكْتَمَل
بوم...هيصة...دَوْشَه وهُلِيلَة
رُحْت يا أمل العيلة😭
شباب شهداء الليلة
يارب ليلتهم تبقى جميلة
مصر يابلدي يا حَمَالَه
صابرة دايماً للهموم شَيَالَه
تِمُر بيكي المِحَن وتكافحي بِبَساله
كل يوم تلاقيكي بحاله
دايماً صامدة ماانتِ أم الرجالة
بقلم
#هناءالغمري
تعليقات
إرسال تعليق